என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
முகப்பு » சுசுகி மோட்டார்ஸ்
நீங்கள் தேடியது "சுசுகி மோட்டார்ஸ்"
சுசுகி மோட்டார்சைக்கிள் இந்தியா நிறுவனம் புதிய எலெக்ட்ரிக் ஸ்கூட்டரை இந்தியாவில் அறிமுகம் செய்ய இருக்கிறது. #SUZUKI #ElectricVehicle
சுசுகி மோட்டார்சைக்கிள் இந்தியா நிறுவனம் விரைவில் எலெக்ட்ரிக் ஸ்கூட்டர் விரைவில் இந்தியாவில் அறிமுகம் செய்யப்பட இருக்கிறது.
சுசுகியின் முதல் எலெக்ட்ரிக் ஸ்கூட்டர் இந்தியாவில் 2020 வாக்கில் அறிமுகம் செய்யப்பட இருக்கிறது. சுசுகி நிறுவனத்திற்கு இந்திய சந்தை மிகவும் முக்கியத்துவம் வாய்ந்த ஒன்றாக இருக்கிறது. வெளிநாடுகளில் பிரபலமாக இருக்கும் சர்வதேச வாகனங்கள் இந்திய சந்தைக்கென பிரத்யேகமாக மாற்றப்பட்டு, சிறப்பு விலையில் வெளியிடப்படுகிறது.
ஏற்கனவே சுசுகி நிறுவனம் லெட்ஸ் ஸ்கூட்டரின் எலெக்ட்ரிக் வெர்ஷன் மாடலை ஜப்பானில் விற்பனை செய்கிறது. ஒருமுறை சார்ஜ் செய்தால் 30 கிலோமீட்டர் வரை செல்லும் திறன் கொண்டிருக்கிறது. அந்த வகையில் இந்தியாவிலும் லெட்ஸ் இ.வி. வெர்ஷன் ஸ்கூட்டர் புதிய வடிவமைப்புடன் வெளியாகும் என தெரிகிறது.
புதிய ஸ்கூட்டரின் பேட்டரி மற்றும் மோட்டார் சர்வதேச சந்தைகளில் பொதுவான ஒன்றாக இருக்கும் நிலையில், வெளிப்புற வடிவமைப்பு மட்டும் சுசுகி இந்தியா குழுவினர் மேற்கொள்வர் என தெரிகிறது. இதனால் இந்தியா பயனர்களுக்கு ஏற்ற வடிவமைப்புடன் விற்பனையை அதிகரிக்க முடியும் என கூறப்படுகிறது.
சுசுகி நிறுவனத்தின் வி-ஸ்டாம் 650 XT மோட்டார்சைக்கிள் இந்திய வெளியீட்டு விவரங்கள் இணையத்தில் லீக் ஆகியுள்ளது. #SUZUKI
சுசுகி நிறுவனத்தின் புதிய மோட்டார்சைக்கிள் வெளியீட்டு விவரம் இணையத்தில் லீக் ஆகியுளஅளது. சுசுகி பர்க்மேன் ஸ்ட்ரீட் 125சிசி ஸ்கூட்டரை சமீபத்தில் அறிமுகம் செய்த சுசுகி அடுத்து வி-ஸ்டாம் 650 XT மோட்டார்சைக்கிளை வெளியிட இருப்பதாக தகவல் வெளியாகியுள்ளது. அதன்படி சுசுகி வி-ஸ்டாம் 650 XT செப்டம்பர் மாதத்தில் வெளியிடப்படலாம் என கூறப்படுகிறது.
புதிய சுசுகி வி-ஸ்டாம் 650 XT இந்திய விலை ரூ.7.75 முதல் ரூ.8.0 லட்சம் (எக்ஸ்-ஷோரூம்) வரை நிர்ணயம் செய்யப்படலாம் என எதிர்பார்க்கப்படுகிறது. இந்தியாவில் சுசுகி வி-ஸ்டாம் 650 XT மாடல் கவாசகி வெர்சிஸ் 650 மற்றும் பென்லி TNT 600 GT உள்ளிட்ட மாடல்களுக்கு போட்டியாக அமையும் என எதிர்பார்க்கப்படுகிறது.
இந்தியாவிலேயே கட்டமைக்கப்பட்டதால் சுசுகி GSX-S750 விலை வெகுவாக குறைக்க முடிந்தது. இதே வழிமுறையை சுசுகி தனது 650 XT மாடலுக்கும் பின்பற்ற இருக்கிறது. ஹயபூசா மற்றும் GSX-S750 மாடல்களைத் தொடர்ந்து உள்நாட்டிலேயே கட்டமைக்கப்படும் மூன்றாவது மோட்டார்சைக்கிளாக சுசுகி வி-ஸ்டாம் 650 XT இருக்கிறது.
முதற்கட்டமாக இன்டர்மோட் 2016 விழாவில் அறிமுகம் செய்யப்பட்ட சுசுகி வி-ஸ்டாம் 650 XT இந்தியாவில் 2018 ஆட்டோ எக்ஸ்போ விழாவில் அறிமுகமானது. வி-ஸ்டாம் 650 XT மாடலின் முன்பக்கம் 19 இன்ச் மற்றும் பின்புறம் 17 இன்ச் ஸ்போக் வீல் கொண்டிருக்கிறது.
சுசுகி வி-ஸ்டாம் 650 XT மாடலில் 650சிசி வி-ட்வின் இன்ஜின் வழங்கப்படுகிறது. இதே இன்ஜின் சர்வதேச சந்தையில் விற்பனையாகும் வி-ஸ்டாம் 650 XT மாடலிலும் வழங்கப்பட்டுள்ளது. புதிய மாடலின் ஸ்டைலிங் பெரிய வி-ஸ்டாம் 1000 மாடலைத் தழுவி உருவாக்கப்பட்டிருக்கிறது. #SUZUKI #motorcycle
சுசுகி நிறுவனத்தின் ஜிக்சர் 250 மோட்டார்சைக்கிள் இந்திய வெளியீட்டு விவரங்கள் இணையத்தில் லீக் ஆகியுள்ளது. #Suzuki #Gixxer250
இந்தியாவில் அதிகம் விற்பனையாகும் 150சிசி மோட்டார்சைக்கிள்களில் ஒன்றாக சுசுகி ஜிக்சர் 150 இருக்கிறது. என்ட்ரி-லெவல் பிரிவில் மற்ற மாடல்களை விற்பனை செய்யாத நிலையில், சுசுகி நிறுவனம் ஜிக்சர் 250 மாடலினை 2019-ம் ஆண்டு அறிமுகம் செய்யவிருப்பதாக தகவல் வெளியாகியுள்ளது.
இதுகுறித்து ஆட்டோகார் வெளியிட்டிருக்கும் தகவல்களில் சுசுகி ஜிக்டசர் 250சிசி பைக் தற்போதைய ஜிக்சர் 150 மாடலுக்கு சிறந்த அப்கிரேடாக இருக்கும். துவகத்தில் ஜிக்சர் 250 நேக்கட் வெர்ஷன் அனைவரும் வாங்கக்கூடிய விலையில் அறிமுகம் செய்யப்பட்டு அதன்பின், ஜிக்சர் 250 ஃபேர்டு வெர்ஷன் அறிமுகம் செய்யப்படும் என கூறப்படுகிறது.
புதிய ஜிக்சர் 250 மாடலில் GSX-S750 மற்றும் GSX-S1000 மாடல்களை போன்ற ஸ்டைலிங் செய்யப்படும் என கூறப்படுகிறது. எனினும் இந்தியாவுக்கென பிரத்யேகமாக உருவாக்கப்படலாம் என கூறப்படுகிறது. அந்த வகையில் ஜிக்டர் 250சிசி மாடல்கள் பிரத்யேக வடிவமைப்பு கொண்டிருக்கும் என எதிர்பார்க்கலாம்.
ஜிக்சர் 250 மாடலில் 250சிசி இன்ஜின் மற்றும் ஆயில் கூலிங் சிஸ்டம் வழங்கப்படலாம் என கூறப்படுகிறது. இந்த இன்ஜின் 22 முதல் 25 பி.ஹெச்.பி. பவர் மற்றும் 6-ஸ்பீடு கியர்பாக்ஸ் கொண்டிருக்கும் என கூறப்படுகிறது. ஜிக்சர் 250 என்ட்ரி-லெவல் டூரிங் மோட்டார்சைக்கிளாக பிரான்டிங் செய்யப்படும் என கூறப்படுகிறது.
சுசுகி ஜிக்சர் 250 மாடலின் ஃபிரேம் தற்போதைய ஜிக்சர் 150 மாடலை போன்ற ஃபிரேம் கொண்டிருக்கும் என கூறப்படுகிறது. புதிய மோட்டார்சைக்கிளில் டெலிஸ்கோபிக் ஃபோர்க் முன்பக்கம், பின்புறம் மோனோஷாக் சஸ்பென்ஷன் வழங்கப்படுகிறது. இதில் டிஸ்க் பிரேக் மற்றும் டூயல்-சேனல் ஏ.பி.எஸ். (ஆன்டி-லாக் பிரேக்கிங் சிஸ்டம்) வழங்கப்படலாம் என கூறப்படுகிறது.
சுசுகி நிறுவனத்தின் பர்க்மேன் ஸ்ட்ரீட் இந்தியாவில் வெளியிடப்பட்டுள்ளது. புதிய ஸ்கூட்டரின் விலை மற்றும் முழு விவரங்களை தொடர்ந்து பார்ப்போம். #SUZUKIBurgman
சுசுகி நிறுவனத்தின் பர்க்மேன் ஸ்ட்ரீட் இந்தியாவில் வெளியிடப்பட்டது. இந்தியாவில் சுசுகி பர்க்மேன் ஸ்கூட்டர் 2018 ஆட்டோ எக்ஸ்போவில் அறிமுகம் செய்யப்பட்டது குறிப்பிடத்தக்கது.
பர்க்மேன் ஸ்கூட்டரில் எல்.இ.டி. ஹெட்லேம்ப், பாடி-மவுண்ட் விண்ட்ஸ்கிரீன், மல்டி-ஃபன்க்ஷன் கீ ஸ்லாட் மற்றும் முழுமையான டிஜிட்டல் இன்ஸ்ட்ரூமென்ட் கிளஸ்டர் உள்ளிட்டவை வழங்கப்பட்டுள்ளது. இத்துடன் முன்பக்க சக்கரத்திற்கு டிஸ்க் பிரேக் வழங்கப்பட்டுள்ளது.
இந்தியாவில் ஏற்கனவே விற்பனை செய்யப்படும் சுசுகி அக்செஸ் ஸ்கூட்டரில் வழங்கப்பட்டிருக்கும் இன்ஜின் புதிய பர்க்மேன் ஸ்ட்ரீட் 124.3 சிசி மாடலிலும் வழங்கப்பட்டுள்ளது. இந்த இன்ஜின் 8.5 பி.ஹெச்.பி பவர் மற்றும் 10.2 என்.எம். டார்கியூ செயல்திறன் கொண்டுள்ளது.
சுசுகி பர்க்மேன் ஸ்ட்ரீட் 125சிசி ஸ்கூட்டரில் அதிக இட வசதி கொண்ட ஸ்டோரேஜ், 12 வோல்ட் சார்ஜிங் சாக்கெட், டியூப்லெஸ் டையர் மற்றும் எல்.இ.டி. டெயில்லேம்ப் உள்ளிட்ட அம்சங்களும் வழங்கப்பட்டுள்ளது. இத்துடன் 10.5 லிட்டர் ஃபியூயல் டேன்க் வழங்கப்பட்டுள்ளது.
சுசுகி பர்க்மேன் ஸ்ட்ரீட் மாடலின் முன்பக்கம் நிசின் டிஸ்க் பிரேக், பின்புறம் டிரம் பிரேக் செட்டப் வழங்கப்பட்டுள்ளது. இதன் ஸ்டான்டர்டு வேரின்ட் காம்பி பிரேக் சிஸ்டம் கொண்டுள்ளது. இத்துடன் முன்புறம் மற்றும் பின்பக்கம் முறையே 12 இன்ச் மற்றும் 10 இனஅச் 5-ஸ்போக் அலாய் வீல்கள் கொண்டுள்ளன.
சஸ்பென்ஷன் யூனிட்-ஐ பொருத்த வரை முன்பக்கம் டெலிஸ்கோபிக் ஃபோர்க் மற்றும் பின்புறம் ஹைட்ராலிக் சிங்கிள் ஷாக் அப்சார்பர் வழங்கப்பட்டுள்ளது.
இந்தியாவில் சுசுகி பர்க்மேன் ஸ்ட்ரீட் மாடல்: மெட்டாலிக் மேட் ஃபேப்ரியான், கிளாஸ் ஸ்பார்க்கிள் பிளாக் மற்றும் பியல் மிரேக் வைட் என நான்கு நிறங்களில் கிடைக்கிறது. இந்தியாவிலேயே உருவாக்கப்படும் பர்க்மேன் ஸ்ட்ரீட் 30 நாடுகளுக்கு ஏற்றுமதி செய்யப்படுகிறது.
இந்தியாவில் புதிய சுசுகி பர்க்மேன் ஸ்ட்ரீட் விலை ரூ.68,000 (எக்ஸ்-ஷோரூம், டெல்லி) என நிர்ணயம் செய்யப்பட்டுள்ளது. #SuzukiIndia #SUZUKIBurgman
சுசுகி நிறுவனத்தின் பர்க்மேன் ஸ்ட்ரீட் ஸ்கூட்டர் இந்தியாவில் அடுத்த வாரம் வெளியாக இருக்கும் நிலையில், அதன் விலை வெளியாகியுள்ளது.
சுசுகி மோட்டார்ஸ் நிறுவனத்தின் பர்க்மேன் ஸ்ட்ரீட் ஸ்கூட்டர் இந்தியாவில் ஜூலை 19-ம் தேதி வெளியிடப்படுகிறது. இந்நிலையில் வெளியீட்டுக்கு முன் சுசுகி பர்க்மேன் விலை வெளியாகியுள்ளது. இந்தியாவில் சுசுகி பர்க்மேன் ஸ்கூட்டர் 2018 ஆட்டோ எக்ஸ்போவில் அறிமுகம் செய்யப்பட்டது.
பர்க்மேன் ஸ்கூட்டரில் எல்.இ.டி. ஹெட்லேம்ப், பாடி-மவுண்ட் விண்ட்ஸ்கிரீன், மல்டி-ஃபன்க்ஷன் கீ ஸ்லாட் மற்றும் முழுமையான டிஜிட்டல் இன்ஸ்ட்ரூமென்ட் கிளஸ்டர் உள்ளிட்டவை வழங்கப்பட்டுள்ளது. இத்துடன் முன்பக்க சக்கரத்திற்கு டிஸ்க் பிரேக் வழங்கப்பட்டுள்ளது.
இந்தியாவில் ஏற்கனவே விற்பனை செய்யப்படும் சுசுகி அக்செஸ் ஸ்கூட்டரில் வழங்கப்பட்டிருக்கும் இன்ஜின் புதிய பர்க்மேன் ஸ்ட்ரீட் 125 சிசி மாடலிலும் வழங்கப்பட்டுள்ளது. இந்த இன்ஜின் 8.6 பி.ஹெச்.பி பவர் @6500 ஆர்.பி.எம். மற்றும் 10.2 என்.எம். டார்கியூ @5000 ஆர்.பி.எம். செயல்திறன் கொண்டுள்ளது.
சுசுகி பர்க்மேன் ஸ்ட்ரீட் 125சிசி ஸ்கூட்டரில் அதிக இட வசதி கொண்ட ஸ்டோரேஜ், 12 வோல்ட் சார்ஜிங் சாக்கெட், டியூப்லெஸ் டையர் மற்றும் எல்.இ.டி. டெயில்லேம்ப் உள்ளிட்ட அம்சங்களும் வழங்கப்பட்டுள்ளது. இத்துடன் 10.5 லிட்டர் ஃபியூயல் டேன்க் வழங்கப்பட்டுள்ளது.
பல்வேறு நிறங்களில் அசத்தலாக வெளியாக இருக்கும் சுசுகி பர்க்மேன் ஸ்ட்ரீட் 125 மாடல் இந்தியாவில் ஹோன்டா ஆக்டிவா 125, டி.வி.எஸ். என்டார்க் 125, ஹோன்டா கிரேசியா மற்றும் புத்தம் புதிய அப்ரிலியா எஸ்.ஆர். 125 ஸ்கூட்டர்களுக்கு போட்டியாக அமையும் என எதிர்பார்க்கப்படுகிறது.
தற்சமயம் கிடைத்திருக்கும் தகவல்களின் படி சுசுகி பர்க்மேன் ஸ்ட்ரீட் விலை ரூ.69,671 (எக்ஸ்-ஷோரூம்) என நிர்ணயம் செய்யப்படலாம் என கூறப்பட்டு இருக்கிறது. முன்னதாக பர்க்மேன் ஸ்கூட்டரின் முன்பதிவுகள் ஜூன் மாதத்தில் துவங்கப்பட்டது.
சுசுகி மோட்டார்ஸ் நிறுவனத்தின் ஜிக்சர் ஏபிஎஸ் வேரியன்ட் மோட்டார்சைக்கிள் இந்தியாவில் வெளியிடப்பட்டது. இதன் விலை மற்றும் முழு விவரங்களை தொடர்ந்து பார்ப்போம்.
புதுடெல்லி:
சுசுகி மோட்டார்ஸ் நிறுவனத்தின் ஜிக்சர் ஏபிஎஸ் மோட்டார்சைக்கிள் இந்தியாவில் வெளியிடப்பட்டுள்ளது. புதிய ஜிக்சர் மாடலில் பாதுகாப்பு வழங்க சிங்கிள்-சேனல் ஏபிஎஸ் பிரேக்கிங் சிஸ்டம் முன்பக்க சக்கரத்தில் சேர்க்கப்பட்டுள்ளது.
வடிவமைப்பை பொருத்த வரை ஏபிஎஸ் வேரியன்ட் ஸ்டான்டர்டு மாடலை போன்றே காட்சியளிக்கிறது. முன்னதாக சிங்கிள்-சேனல் ஏபிஎஸ் வசதி விரும்புவோர் தேர்வு செய்யும் ஆப்ஷனாக வழங்கப்பட்டு வந்தது. எனினும் இந்த ஆப்ஷன் ஃபேர்டு மாடலில் மட்டுமே வழங்கப்பட்டது.
சுசுகி நிறுவனத்தின் அதிகம் விற்பனையாகும் மாடல்களில் ஒன்றாக இருக்கும் ஜிக்சர் மாடலிலும் தற்சமயம் ஏபிஎஸ் வசதி சேர்க்கப்பட்டுள்ளது. சுசுகி ஜிக்சர் ஏபிஎஸ் மாடலின் முன்பக்க சக்கரத்தில் ஸ்பீடு சென்சார் பொருத்தப்பட்டு இருக்கிறது. இதுதவிர மற்ற அம்சங்களில் எவ்வித மாற்றங்களும் மேற்கொள்ளப்படவில்லை.
அந்த வகையில் ஜிக்சர் ஏபிஎஸ் மாடலில் 154.9 சிசி சிங்கிள் சிலிண்டர், ஏர்-கூல்டு இன்ஜின் வழங்கப்பட்டுள்ளது. இந்த இன்ஜின் 14.5 பிஹெச்பி பவர், 14 என்எம் டார்கியூ செயல்திறன் மற்றும் 5-ஸ்பீடு கியர்பாக்ஸ் கொண்டுள்ளது. இத்துடன் ஜிக்சர் ஏபிஎஸ் மாடலில் சுசுகியின் ஜெட் கூலிங் சிஸ்டம் வழங்கப்பட்டுள்ளது.
சுசுகி ஜிக்சர் ஏபிஎஸ் மாடலில் ஆட்டோ ஹெட்லேம்ப் ஆன், எல்இடி டெயில் லைட், முழுமையான டிஜிட்டல் இன்ஸ்ட்ரூமென்ட் கிளஸ்டர் மற்றும் இரண்டு சக்கரங்களிலும் டிஸ்க் பிரேக்கள் வழங்கப்பட்டுள்ளது. இத்துடன் சுசுகி ஜிக்சர் ஏபிஎஸ் மாடலில் ட்வின் எக்சாஸ்ட், 3-ஸ்போக் அலாய் வீல், ஸ்டெப்டு சீட் மற்றும் டூ-பீ்ஸ் ஃபென்டர் மோட்டார்சைக்கிளுக்கு ஸ்போர்ட் தோற்றம் வழங்குகிறது.
இந்தியாவில் சுசுகி ஜிக்சர் ஏபிஎஸ் வேரியன்ட் மெட்டாலிக் ட்ரிடான்/புளு, கிளாஸ் ஸ்பார்க்கிள் பிளாக், கேன்டி சோனோமா ரெட் / கிளாஸ் ஸ்பார்க்கிள் பிளாக் என மூன்று நிறங்களில் கிடைக்கிறது. இதன் விலை ரூ.87,250 (எக்ஸ்-ஷோரூம், டெல்லி) என நிர்ணயம் செய்யப்பட்டுள்ளது.
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X
